Dando por rematada a unidade didáctica dos oficios, a semana previa ás vacacións de Semana Santa viaxamos en autobús a unha granxa de visóns moi especial: a dos pais de Paula Barreiro.
Chegamos a Feáns, dentro do propio Concello de Negreira, e alí estaban a esperarnos Mario e María, xunto cos seus fillos que nos acompañaron nesta aventura.
E así comezou todo: visitamos as distintas naves e puidemos ver visóns negros, marróns e brancos; tamén puidemos ver algunhas visóns que estaban a esperar fillos; comprobamos cómo é a comida que comen e cómo o fan; tamén vimos as pallas que utilizan para facer os seus niños para cando teñan os filliños;...
Nestes vídeos curtiños podedes ver de cerca algúns dos visóns da granxa dos pais de Paula. Parecen tan suaves!!!!
E despois da visita, e despois de ver comer aos visóns, entrounos a fame, e os pais de Paula nos convidaron a unha merendola onde había de todo. Mirade qué mesa!!!!
E así foi cómo as xirafiñas viviron a súa visita á granxa, visita que plasmaron nun debuxo. Clicade no enlace para visualizar o documento:
Moitas grazas á familia de Paula!!!
No hay comentarios:
Publicar un comentario