ASÍ SE VIRON NO DESFILE

E ESTES SON ELES NO DESFILE DE ENTROIDO, A TRAVÉS DOS SEUS OLLOS. CLICADE NA IMAXE E PODEREDES VER AS IMAXES UNHA A UNHA.

O LIBRO VIAXEIRO VISITA A CASA DE INÉS C.

ESTE FRÍO LUNS DE FEBREIRO, EN PLENO MES DO ENTROIDO, NON PODÍAN FALTAR AS SOBREMESAS RELACIONADAS CON ESTE TEMPO DE FESTA.

É POR ESTE MOTIVO QUE INÉS CAPEÁNS HOXE DECIDIU COMPARTIR CON TODAS AS XIRAFIÑAS UNHAS ORELLAS RIQUÍIIIIIIISIMAS... 

NO LIBRO VIAXEIRO INÉS ESCRIBE CÁLES SON OS INGREDIENTES E A ELABORACIÓN DAS ORELLAS, E CONFESA QUE A RECEITA É DA SÚA TÍA CARMELA QUE FOI COCIÑEIRA. AÍNDA QUE NAS FOTOGRAFÍAS VEMOS QUE AXUDOU TAMÉN PABLO, O IRMÁN DE INÉS.

XA NA CLASE, NON QUEDOU NIN UNHA SOA ORELLA... MOI LARPEIROS NOS VOLVEMOS OS LUNS. E É QUE COMO SEMPRE DICIMOS, CANDO AS COUSAS AS COCIÑA ALGUÉN AO QUE QUEREMOS, SABEN MOITO MELLOR!!! E SENÓN MIRADE ESTAS CARIÑAS.

AHHHHH!!!

ESQUECÍAMONOS...

UN TRUCO DE CHEF: SE ALGÚN DÍA VOS SOBRA MASA, PODEDES GARDALA NO CONXELADOR PARA OUTRO DÍA, PORQUE SEGÚN A CHEF CARMELA DESPOIS AÍNDA ESTÁN MELLOR.

DESFILE DE ENTROIDO

AS NOSAS XIRAFIÑAS, PILOTOS POR UN DÍA, AGARDABAN IMPACIENTES A QUE TODOS OS DEMAIS MONTARAN NO SEU COCHE E UNHA VEZ LISTOS FOMOS AO PAVILLÓN DO COLE PARA O DESFILE, XA QUE O TEMPO NON ACOMPAÑABA PARA FACELO POLA PISTA DE PRIMARIA.

TODO LISTO!

COMO LOCÍAN TODOS XUNTOS!!! 

AO RUXIDO DOS MOTORES COMO SINTONÍA DE SAÍDA EMPEZOU O NOSO DESFILE, SEGUIDO DE "EN EL AUTO DE PAPÁ" DE MILIKI.

PODEDES DISFRUTAR DAS FOTOGRAFÍAS DO DESFILE NO ÁLBUM ENTROIDO, 2015 NA SECCIÓN GALERÍA DA PÁXINA WEB DO COLE. DEÍXOVOS AQUÍ O ENLACE WEB. ESPERO QUE O PASEDES BEN!!!

http://www.edu.xunta.es/centros/ceipocoto/galeria/thumbnails.php?album=10
 

É TEMPO DE MÁSCARAS!

COMO É HABITUAL NESTE TEMPO DE ENTROIDO, ADICAMOS UNS RATIÑOS DAS SESIÓNS PARA FACER UN ANTIFAZ COAS NOSAS PROPIAS MANS.

ENZOUFÁMONOS AS MANS COA TÉMPEDA LÍQUIDA, E PLASMÁMOLAS NUNHA CARTOLINA. EN CANTO SECOU EMPEZOU O DIVERTIDO!!! PORQUE COMO NOS GUSTA, A GRANDES E PEQUENOS, ANDAR COA PURPURINA, COAS PLUMAS, COA COLA BRANCA E CO ALKYL,...

E ESTE FOI O RESULTADO FINAL.

XOVES DE COMADRES

HOXE TODOS OS TELEDIARIOS RECOLLERON A TRADICIÓN DO XOVES DE COMADRES DE OURENSE E DA RIBEIRA SACRA E LUGO. EN NEGREIRA ESTE CURSO TAMÉN QUIXEMOS FACER UN PEQUENO GUIÑO AOS NOSOS COSTUMES, E SEN LANZARNOS Á RÚA PARA LOITAR NENOS E NENAS DESTRUÍNDO UNS OS BONECOS DUNS OS DOUTROS, PROPUXEMOS ÁS FAMILIAS ELABORAR UNHA COMADRE E ESTE FOI O RESULTADO.

UNHA VEZ MÁIS, MOITAS GRAZAS POLA VOSA COLABORACIÓN!!

O LIBRO VIAXEIRO VISITA A CASA DE JULIA

QUE BEN QUE AS MAMÁS E AS AVOAS DAS XIRAFAS TEÑEN BOA MEMORIA!

PORQUE ASÍ PUIDEMOS DISFRUTAR DE NOVO DAS DELICIOSAS ROSQUILLAS QUE JULIA XA TROUXERA POLO SEU ANIVERSARIO. PERO DESTA PEDIULLE A MAMÁ SONIA E Á AVOA QUE LLE ENSINARAN A FACELAS E PUXÉRONSE MANS Á OBRA.

DESPOIS DE LER OS INGREDIENTES E O MODO DE PREPARACIÓN, O MÁIS DIVERTIDO FOI SABER QUE HAI QUE FACER BOLIÑAS COMA CANDO XOGAMOS COA PLASTILINA E DESPOIS CHURROS LONGOS QUE PECHAMOS CUN BURATO NO MEDIO. BURATO CO HAI QUE TER MOITO COIDADO, POIS HAI QUE FACELO DUN TAMAÑO AXEITADO PORQUE SENÓN UNHA VEZ QUE ESTÁ NA TIXOLA PODE PECHARSE E DEIXAR DE SER UNHA ROSQUILLA PARA CONVERTERSE NOUTRA COUSA.

ISTO FÍXONOS MOITA GRACIA!!

JULIA, TRAE ROSQUILLAS CANDO QUEIRAS, QUE SABES QUE NOS GUSTAN MOITO MOITO. E SE NON NOS CREDES, COMPROBÁDEO VÓS MESMOS NESTAS FOTOGRAFÍAS!!

MMMMMM!!! QUE RICAS!!!

E QUE BEN SABEN AS COUSAS CANDO AS COCIÑA ALGUÉN AO QUE QUEREMOS!!

GRAZAS, FAMILIA, POLA VOSA COLABORACIÓN! E POR FACER QUE AS SEMANAS EMPECEN MÁIS DOCES...

COMO FUNCIONAN AS COUSAS?

HOXE AS XIRAFIÑAS LEVARON PARA A CASA O TRABALLO REALIZADO DURANTE O MES DE XANEIRO RELACIONADO COA UNIDADE COMO FUNCIONAN AS COUSAS?. NELA, COMA EN TODAS AS UNIDADES PROGRAMADAS PARA O CURSO ESCOLAR, PERSÉGUENSE UHA SERIE DE OBXECTIVOS, QUE SE TRABALLAN NA AULA CUNHA SERIE DE CONTIDOS REFERIDOS A TRES ÁREAS DE COÑECEMENTO. AQUÍ DEIXAMOS ALGÚNS DELES:

CONTIDOS

ÁREA DE COÑECEMENTO DE SÍ MESMO

- Recoñecemento de enfermidades comúns: síntomas e prevención.

- Valoración da importancia de manter hábitos de coidado da roupa e do material da aula.

ÁREA DE COÑECEMENTO DO CONTORNO

- Interpretación e valoración do uso dos números na sociedade.

- Observación dos cambios climáticos referidos ás distintas estacións do ano.

- Celebración do día da Paz.

ÁREA DE LINGUAXES: COMUNICACIÓN E REPRESENTACIÓN.

- Ampliación do vocabulario referido aos inventos e ás máquinas.

- Lectura de contos, poesías, adiviñas, trabalinguas referidos a esta temática.

- Descrición de obxectos, láminas, escenas e personaxes relacionados co tema da unidade.

- Coidado e valoración dos libros como instrumentos de comunicación e lecer.

- Gusto pola lectura como fonte inesgotable de aventuras.

- Traballo sobre o título da unidade Como funcionan as cousas?

- Recoñecemento de certos inventos e os seus inventores importantes para a historia da Humanidade.

- Saber situalos por orde cronolóxico.

- Utilización de distintas técnicas plásticas: pregado e debuxo con rotuladores.

- Participación e gozo en actividades de dramatización e xogos grupais.

- Interese por utilizar as propias posibilidades expresivas.

 E AQUÍ ALGUNHAS FOTOS DO INTERIOR DOS TRABALLOS REALIZADOS POLAS XIRAFAS, QUE TIVERON MOITA CURIOSIDADE POR APRENDER SOBRE OS DESCUBRIMENTOS E SOBRE OS INVENTORES, SOBRE PARA QUÉ SERVEN AS COUSAS, ONDE SE INVENTARON, QUÉN E CÁNDO. 

MOITAS GRAZAS A VÓS TAMÉN, AS FAMILIAS, POR PARTICIPAR NO LIBRO DOS INVENTOS, CO QUE AÍNDA NON ACABAMOS DE TRABALLAR!!!

QUEDAMOS COS ORIXINAIS, ASÍ QUE ESTADE ATENTOS... 

MANDADIÑOS DO ENTROIDO - LUNS

E COMO AS NOSAS XIRAFIÑAS VIVEN O ENTROIDO, HOXE NINGUNHA QUIXO VIR SEN NADANA CABEZA. MIRADE, MIRADE!!!

ESTAMOS NO INVERNO

ESTE É O RESULTADO FINAL DO TRABALLO DO INVERNO QUE LEVAMOS REALIZANDO NAS ÚLTIMAS SEMANAS. O FRÍO NON NOS DEIXA, E QUIXEMOS ADICARLLE UN PEQUENO ESPAZO NA NOSA AULA DAS XIRAFAS.

ESCRIBIMOS POESÍAS SOBRE O INVERNO,

FIXEMOS BONECOS DE NEVE COS NOSOS NOMES TRABALLANDO OS NÚMEROS E OS CONCEPTOS LONGO/CURTO,

E PARA REMATAR DEBUXÁMONOS A NÓS MESMOS ABRIGADOS CON ROUPA DE INVERNO PARA PODER XOGAR COA NEVE QUE CUBRIU GALICIA ESTA ÚLTIMA SEMANA.

HUGO CUMPRE 6 ANOS

E SEGUEN A CUMPRIR ANOS ESTAS XIRAFIÑAS!

ESTA SEMANA TOCOULLE A HUGO. QUE ILUSIÓN FAI CUMPRIR ANOS, E QUE ILUSIÓN FAI LEVAR ESA COROA COAS FIRMAS DE TODOS OS COMPAÑEIROS. ALGO PARA RECORDAR...

PRIMEIRO CANTAMOS O "CUMPLEAÑOS FELIZ":

HUGO SOPROU A CANDEA E PEDIU O SEU DESEXO, E CHEGOU O MOMENTO DE COMER O BISCOITO DO ANIVERSARIO. ESTABA BOÍSIMO!!!

XA A ÚLTIMA HORA DA MAÑÁ, HUGO TROUXO UN AGASALLO PARA OS SEUS COMPAÑEIROS E DÉULLELO PARA LEDICIA DE TODOS, PORQUE ERA UN PETO PARA GARDAR SECRETOS, OU MOEDAS... GARDAMOS OS PETOS NAS GABETAS DOS COMPAÑEIROS QUE NON ESTABAN, OS ALUMNOS DE COMEDOR NAS MOCHILAS E OS OUTROS PARA CASA.

DÉMOSLLE AS GRAZAS A HUGO CUN GRAN ABRAZO COLECTIVO.

E PARABÉNS, HUGO! 

QUE CUMPRAS MOITOS MÁIS!

O LIBRO VIAXEIRO VISITA A CASA DE UXÍA

MMMMMMM!!

FIXÁDESVOS NAS FOTOGRAFÍAS? UXÍA E A SÚA NAI, EVA, COCIÑARON MUFFINS ESTA FIN DE SEMANA PASADA E QUIXERON COMPARTILO CON TODAS AS XIRAFIÑAS.

COMO TODOS OS LUNS A TERCEIRA HORA, COA AXUDA DA PROFE TERESA, PUXÉMONOS MANS Á OBRA PARA VER OS INGREDIENTES E O MODO DE PREPARACIÓN E ELABORACIÓN DOS MUFFINS, ADAPTADOS AOS NENOS COMO BEN NOS EXPLICOU EVA NAS PÁXINAS DO LIBRO VIAXEIRO.

QUE TENTADORAS ESTABAN ESTAS MUFFINS NAS CAIXIÑAS! E QUE GANIÑAS TIÑAMOS DE CLAVARLLE OS DENTIÑOS XA! A LECTURA QUE FIXO A PROFE DAS PÁXINAS DO LIBRO FÍXOSENOS ETERNA...

E CHEGOU O MOMENTO DO BO, PORQUE UXÍA EXPLICOUNOS MOI BEN QUE ALGUNHAS TIÑAN NOCILLA POR DENTRO E ESTABAMOS DESEXANDO VELO E PROBALO!!!

E ASÍ O FIXEMOS!

NON NOS ESQUECEMOS DE FACER UNHA PREGUNTA MÁXICA: A QUEN LLE GUSTARON AS MUFFINS DE UXÍA? MIRADE A RESPOSTA:

 

E É QUE XA O SABEDES, CANDO PROBAMOS ALGO QUE COCIÑA ALGUÉN A QUEN QUEREMOS E QUE SABEMOS QUE ESTÁ FEITO CON CARIÑO... SEMPRE SABE MOITO MELLOR!

UNHA VEZ MÁIS QUEDA DAR AS GRAZAS Á FAMILIA DE UXÍA E A UXÍA POR PARTICIPAR NESTA ACTIVIDADE E POR FACER QUE EMPECEMOS OS LUNS, XA DESDE HAI ALGUNHAS SEMANAS, MOITO MELLOR!!!

GRAZAS, FAMILIA!!!

OBRADOIRO DE DISFRACES COAS FAMILIAS

O PASADO LUNS DISFRUTAMOS DUNHA BOÍSIMA TARDE EN COMPAÑA DAS FAMILIAS DAS XIRAFIÑAS, ÁS QUE CONVIDAMOS A PARTICIPAR NA ELABORACIÓN DOS DISFRACES DO ENTROIDO. 

NON PENSARÍADES QUE OS IADES LIBRAR DUN POST NESTE BLOGUE?

ASÍ TRABALLARON PAIS, NAIS, AVOAS, IRMÁNS,... E ATA ALGUNHAS XIRAFIÑAS.

1. ALGÚNS FIXERON AS RODAS PARA OS NOSOS COCHES POÑÉNDOLLE CINTA NEGRA A UNS CÍRCULOS BRANCOS.

2. OUTROS PINTARON VASOS DE IOGUR DE LARANXA E AMARELO, QUE SERÁN OS FAROS E OS INTERMITENTES.

3. ALGUNHAS DEDICÁRONSE A FORRAR AS CAIXAS DE CARTÓN.

E FIXEMOS MÁIS COUSAS AÍNDA QUE NON HAI FOTOS, ÁS VECES NON HAI MANS PARA FACER TODO O QUE QUEREMOS... PERO RECORTARON AS MATRÍCULAS, O SÍMBOLO DOS COCHES QUE IRÁ PEGADO AO VOLANTE, OS BURATOS PARA OS FAROS E AS LUCES.  

ASÍ FOI COMO QUEDARON DESPOIS DA TARDE DE TRABALLO. XA VAN COLLENDO FORMIÑA, NON SI?

E AÍNDA FALTAN OS ÚLTIMOS RETOQUIÑOS... 

PERO CASE QUE OS DEIXAMOS PARA FACER NO COLE AS MESTRIÑAS E ASÍ TAMÉN XOGAMOS CO FACTOR SORPRESA E A VER SE VOS GUSTAN.

SÓ NOS QUEDA AGRADECER UNHA E MIL VECES O TERVOS ACHEGADO POLA AULA DAS XIRAFAS  A AXUDAR E A PASAR UNHA TARDE DIFERENTE. E TAMÉN GRAZAS ÁS MIÑAS COMPAÑEIRAS DE NIVEL E AO NOSO APOIO.

GRAZAS!!