Día do Libro: un regalo moi especial

Hoxe é un día moi especial para as letras, e quixémolo celebrar invitando ás familias ao Auditorio da Casa da Cultura do concello para contarlles un contiño. Así foi como nos diriximos ás 12:00 horas da mañá ao evento, no que participaron a aula das xirafas e a aula dos pitiños.

Sempre é un  pracer comprobar a implicación das familias neste tipo de acontecementos e agradécese profundamente que participen neles, porque indubidablemente elas son unha peza fundamental da comunidade educativa.

Nos vindeiros días subiremos ao blogue un vídeo co conto A que sabe a lúa, o escollido polas xirafiñas para contar aos seus familiares, vídeo que nos vai proporcionar Natalia, a mamá de Mario. 

Moitas grazas, Natalia, por compartilo con todos nós para os que xa estivemos vivenciando a experiencia poidamos recordala e todos aqueles que non puideron asisitr vexan por esta fiestra o que sucedeu.

Tamén queremos agradecer a Eva, a nai de Uxía, a dedicación e o tempo que investiu na elaboración dos marcapáxinas personalizados cos que nos agasallou para celebrar este Día do Libro. Moitas grazas, Eva!!! Foi todo un detalle e as xirafiñas e a xirafa maior iamos felices e contentos co noso marcapáxinas. Comprobádeo vós mesmos nestas fotografías: