EU AMO A PAZ

DENTRO DA AULA, TRABALLAMOS O TEMA PREGUNTÁNDOLLES ÁS XIRAFIÑAS QUÉ ERA PARA ELES A PAZ. ESPERO QUE POIDADES LER O QUE RESPONDERON ESPONTANEAMENTE, NA SÚA MAIOR PARTE RESPOSTAS EN POSITIVO, ENFOCANDO O TEMA DA PAZ PENSANDO NELES E NOS DEMAIS, PENSANDO NO FUTURO, NAS FAMILIAS, NA SÚA RELACIÓNS COS OUTROS,...

RESPOSTAS CHEAS DE SENTIMENTO, DE AFECTO, DE AMOR, DE PAZ CON ELES E CO MUNDO QUE OS RODEA:

COIDARSE

SORRIR

SER BOS

AS MAMÁS COIDAN AOS NENOS ENFERMOS

COIDAR AOS PAIS

NON PEGAR

COIDAR AOS IRMÁNS CANDO ENFERMEN

AXUDARSE

COIDAR AOS NENOS QUE TEÑEN FAME

SER AMIGOS

COIDAR ÁS MAMÁS CANDO SEXAN VELLAS

COIDAR ÁS MAMÁS CANDO ESTEAN ENFERMAS

ABRAZARSE

COIDAR Á FAMILIA

ACARICIARSE

DÍA ESCOLAR DA NON VIOLENCIA E DA PAZ II

TAMÉN AS XIRAFIÑAS PARTICIPAN NAS DISTINTAS ACTIVIDADES QE PROPOÑEN OS EQUIPOS DO COLEXIO: TICS, BIBLIOTECA, EDNL E EXTRAESCOLARES. NESTA OCASIÓN PARA ELABORAR UN MURAL CONXUNTO NO VESTÍBULO DO COLEXIO.

E DESEXAMOS CON TODAS AS NOSAS FORZAS QUE A PAZ CHEGUE A TODOS OS RECUNCHOS DO MUNDO, DESDE SIERRA LEONA ATA COSTA RICA. 

MIRADE O VÍDEO E CONTÁDEME SE OS MANDATARIOS DO MUNDO NON SE DERRETERÍAN ESCOITANDO ÁS NOSAS XIRAFIÑAS PEDIR POLA PAZ!!!!

  

DÍA ESCOLAR DA NON VIOLENCIA E DA PAZ I

CON MOTIVO DA CELEBRACIÓN DO DÍA ESCOLAR DA NON VIOLENCIA E DA PAZ, AO LONGO DESTA SEMANA ESTIVEMOS REALIZANDO UNHA SERIE DE ACTIVIDADES RELACIONADAS CO TEMA.

O LUNS TIVEMOS A SORTE DE CONTAR NO CENTRO COA FIGURA DE ANXO MOURE, O AUTOR DE O carballo con botas. LEMBRADES? DE TAL VISITA E DO SEU CONTACONTOS, O PaZtinete DEIXAMOS CONSTANCIA NA PÁXINA WEB DO COLE, TANTO NA PORTADA PRINCIPAL COMA NA GALERÍA DE IMAXES. 

NON DEIXEDES DE VISITALA!!!

RECUNCHO DOS DISFRACES

CHEGA O TEMPO DE ENTROIDO, E POR ESTAS DATAS NA AULA DE 5 ANOS, CANDO AS NENAS E OS NENOS XA SON AUTÓNOMOS PARA CALZARSE E VESTIRSE, INCORPORAMOS AOS RECUNCHOS DE XOGO UN QUE LLES ENCANTA: O RECUNCHO DOS DISFRACES!!!

O DIFÍCIL É ESPERAR AO DÍA QUE TOCA, XA QUE HAI QUE ROTAR PORQUE OS RECURSOS ESCASEAN E NON HAI PERRUCAS PARA TODOS, NIN CARAUTAS PARA TODOS, NIN CALZADO NOVO, E ISO LÉVASE MAL... POÑEN, QUITAN, QUEREN PROBAR, VANSE MIRAR AO ESPELLO,... PÁSANO PIPA!!!

 IREMOS INCORPORANDO MÁIS FOTOGRAFÍAS A MEDIDA QUE AS XIRAFIÑAS VAIAN DISFRUTANDO DO SEU DÍA NESTE RECUNCHO.

BIBLIOTECA DE AULA: A FAMILIA C (EDIT. KALANDRAKA)

SINOPSE:

CADA MAÑÁ O MEU PAI FAI O ALMORZO MENTES A MIÑA NAI LE O XORNAL E EU PREPARO A MIÑA MOCHILA. DESPOIS DO ALMORZO TODOS SAÍMOS DISPARADOS...

PASEN E VEXAN, DAMAS E CABALEIROS, NENAS E NENOS, O ÚNICO, O INIGUALABLE E NUNCA VISTO ESPECTÁCULO DA FAMILIA C QUE, SERVÍNDOSE TAN SÓ DA SÚA IMAXINACIÓN, SEN REDE NIN ARTIFICIO, SEN TRAMPA NIN CARTÓN, CONSEGUE ENCHER DE COR ATA OS DÍAS MÁIS GRISES!

ASÍ É COMO PRESENTA A EDITORIAL KALANDRAKA ESTE MARABILLOSO LIBRO QUE ROMPE TODO TIPO DE ROLES DE XÉNERO, E FALA DA RESPONSABILIDADE DE COLOREAR ATA OS DÍAS MÁIS ESCUROS.

COMO VIMOS FACENDO ESTE CURSO COS LIBROS QUE APORTASTES Á BIBLIOTECA DE AULA, TRABALLAMOS A FICHA DE LECTURA DO CONTO E VELAÍ TEDES O RESULTADO NESTA OCASIÓN. CADA XIRAFIÑA DEBUXOU NO COCHE, A VER SE O APRECIADES BEN, AOS MEMBROS DO SEU NÚCLEO FAMILIAR, E ALGÚNS QUE ESTÁN AÍNDA POR VIR, AOS QUE SE LLES ESPERA CON ENTUSIASMO. 

CLICADE NA IMAXE!

A BOMBILLA

E VÓS? 

QUE SABEDES SOBRE A BOMBILLA E THOMAS ALVA EDISON?

AS NOSAS XIRAFIÑAS SEGUEN TRABALLANDO OS INVENTOS E RESPONDENDO AS PREGUNTAS QUE NOS FACEMOS SOBRE CADA UN DELES:

PARA QUE SERVE

QUEN O INVENTOU

CANDO

ONDE

E A PARTIR DESTAS PREGUNTAS INTENTAMOS EXPLICAR ALGUNHA CURIOSIDADE OU SOBRE O INVENTOR OU SOBRE O INVENTO. COMPARTEN CON VÓS ESTAS HISTORIAS?

CANTO MEDIMOS

SEN DÚBIDA, OS NÚMEROS DEBEN EMPEZAR A TRABALLARSE O ANTES POSIBLE PORQUE SON UN INSTRUMENTO IMPRESCINDIBLE NA NOSA CULTURA AO QUE ACUDIMOS CONSTANTEMENTE PARA SOLUCIONAR PROBLEMAS E SITUACIÓNS DA VIDA COTIÁ.

AS NENAS E OS NENOS INÍCIANSE DE MANEIRA ESPONTANEA NAS MATEMÁTICAS: ESTAMOS RODEADOS DE NÚMEROS ESCRITOS E ESCOITAMOS CONVERSAS ONDE APERECEN NÚMEROS. O CURRÍCULO DO SEGUNDO CICLO DE INFANTIL É MOI RICO NO QUE A ORIENTACIÓNS SE REFIRE, XA QUE CADA UNHA DAS ÁREAS NOS APORTA UNS PRINCIPIOS METODOLÓXICOS PRECISOS, UNS CONTIDOS, OBXECTIVOS E CRITERIOS DE AVALIACIÓN.

POR ESTE MOTIVO, NESTE SEGUNDO TRIMESTRE IMOS TRABALAR OS NÚMEROS DESDE A PERSPECTIVA DOS SEU USO: Para que serven os números?

 

- PARA AS FILAS DE ENTRADA E SAÍDA NA ESCOLA

- PARA O TURNO CANDO IMOS COMPRAR

- A IDADE QUE TEMOS

- O PREZO DAS COUSAS

- A CANTIDADE DE CARTOS QUE TEMOS

- O NÚMEROS DAS NOSAS CASAS

- AS CANLES DE TELEVISIÓN

- O NÚMERO DE ZAPATO

- PESO

- A ALTURA

- ENTRE OUTRAS MOITAS COUSAS

POIS ESTES DÍAS NA AULA DAS XIRAFIÑAS, ESTÁMONOS A CENTRAR NA ALTURA E FIXÉMOLO CON ESTE MURAL:

ONDE TIÑAN QUE APUNTAR O SEU NOME E OS CENTÍMETROS QUE MEDÍAN, PARA LOGO FACER COMPARACIÓNS E ESTIMACIÓNS COAS EXPRESIÓNS MATEMÁTICAS:

MÁIS QUE

MENOS QUE

IGUAL QUE

O MÁIS

O MENOS

O LIBRO VIAXEIRO VISITA A CASA DE AINARA

COMA TODOS OS LUNS DESDE HAI UNHAS SEMANAS, TEMOS UNHAS MERENDAS MOI DOCES DA MAN DAS FAMILIAS DAS XIRAFIÑAS.

PASAN A FIN DE SEMANA ATAREFADAS ESCRIBINDO A SÚA RECEITA FAVORITA NO LIBRO VIAXEIRO E UN BO RATO NA COCIÑA PARA QUE AO DÍA SEGUINTE, NESTE CASO AINARA, COMPARTA CON COMPAÑEIROS E PROFES O SEU POSTRE FAVORITO: O TIRAMISÚ. 

 

CÓNTANOS AINARA NO LIBRO VIAXEIRO CALES SON OS INGREDIENTES E O MODO DE PREPARACIÓN DO TIRAMISÚ, E SE AMPLIADES A FOTOGRAFÍA PODEREDES VER A AINARA CO SEU DELANTAL ELABORANDO O TIRAMISÚ. TAMÉN NOS CONTOU QUE O COCIÑARON ENTRE ELA E O SEU PAPÁ MANUEL O DOMINGO POLA TARDE E QUE PUXO O DELANTAL PARA NON MANCHAR A ROUPA QUE LEVABA POR DEBAIXO. MOI BEN, AINARA! COMO TEN QUE SER!

QUE RICO ESTABA! E QUE ILUSIÓN FAI! E COMO SEMPRE DICIMOS... E QUE CANDO COMEMOS ALGO QUE COCIÑA ALGUÉN QUE QUEREMOS, SEMPRE SABE MOITO MELLOR!!

E COMO UNHA IMAXE VALE MÁIS QUE MIL PALABRAS...

MOITAS GRAZAS, AINARA E MANUEL, POR COMPARTIR CON NÓS ESTA RECEITA E ESTE RATIÑO TAN DOCE!!!

LOIS CUMPRE 6 ANOS

COMO CRECEN AS XIRAFIÑAS!

HOXE FOI O ANIVERSARIO DE LOIS, QUE CUMPRÍU 6 ANOS TAMÉN E QUIXO CELEBRALO COS SEUS COMPAÑEIROS E AS SÚAS PROFES TRAENDO Á AULA ESTE BISCOITO RECHEO DE NATA QUE VEDES NA FOTOGRAFÍA.

ESTABA BOÍSIMO! 

ESTAMOS FEITAS UNHAS LARPEIRAS AS XIRAFIÑAS ESTA SEMANA!!!

FIXÉMOSLLE A SÚA COROA AO HOMENAXEADO ENTRE TODOS:

E DESPOIS CANTAMOS O "CUMPLEAÑOS FELIZ", DICÍNDOLLE A LOIS QUE NON SE ESQUECERA DE PEDIR UN DESEXO:

 

E XA ESTABAMOS PREPARADOS PARA COMER O BISCOITO, QUE NOS ENCANTOU:

E LOIS DESEXANDO QUE CHEGARA A HORA DE MARCHAR PARA DAR O AGASALLO QUE TROUXO PARA AS SÚAS COMPAÑEIRAS E OS SEUS COMPAÑEIROS, E GARDANDO NAS GABETAS O DOS QUE NON ESTABAN.

MOITAS GRAZAS, LOIS! UN DETALLE MOI BONITO!

E AS XIRAFIÑAS DESEXANDO RECIBIR O AGASALLO DE LOIS PARA DARLLE UN FORTE ABRAZO COLECTIVO!

PARABÉNS, LOIS!

E QUE CUMPRAS MOITOS MÁIS!

A RODA

E SEGUIMOS TRABALLANDO OS INVENTOS E OS DESCUBRIMENTOS NA AULA DAS XIRAFAS. ESTÁN A PREGUNTAR MOITAS COUSAS ESTES DÍAS NA CASA? 

O SEGUINTE DESCUBRIMENTO DESPOIS DO LUME DO QUE FALAMOS ESTES DÍAS FOI A RODA E SEGUIMOS A RESPONDER AS PREGUNTAS ÁS QUE INTENTAMOS DAR RESPOSTA:

PARA QUE SERVE?

QUEN?

CANDO?

ONDE?

 

E A VERDADE É QUE AS XIRAFIÑAS ESTÁN VERDADEIRAMENTE INTERESADAS NO TEMA. MIRADE CÓMO TRABALLAN!

 

ALICIA CUMPRE 6 ANOS

SEGUIMOS CELEBRANDO NA AULA DAS XIRAFAS OS ANIVERSARIOS DOS NOSOS ALUMNOS. NESTA OCASIÓN ALICIA QUIXO COMPARTIR CON NÓS ESTA ROSCA O DÍA DO SEU 6º CUMPLE.

COMO PASA O TEMPO!!! PARECE QUE FOI ONTE CANDO CHEGOU A ESTA AULA, CO SEU SORRISO E SEU PELO NEGRO, E XA VAN ALÁ TRES CURSOS!!!

CANTAMOS O "CUMPLEAÑOS FELIZ" Á NOSA COMPAÑEIRA:

 

E DESPOIS DISO DISFRUTAMOS DA ROSCA, QUE ESTABA BOÍSIMA E GUSTOUNOS MOITO A TODOS.

E PARA FINALIZAR ESTE DÍA TAN ESPECIAL, ALICIA AGASALLOU AOS SEUS COMPAÑEIROS CUN IMÁN DE HELLO KITTY E DE RAYO McQUEEN QUE FOI A LEDICIA DE TODOS. ENCANTOUNOS O TEU DETALLE CONNOSCO!!

E PARA DESPEDIR O DÍA E ESTE 6º ANIVERSARIO, FIXEMOS UNHA FOTO TODOS XUNTOS PARA QUE ALICIA RECORDE ESTE DÍA CON MOITO CARIÑO:

IMOS LENDO

ESTES ÚLTIMAS DÍAS, NO RECUNCHO DAS LETRAS, TRABALLAMOS DE FORMA LÚDICA A LECTURA CO MATERIAL COMPLEMENTARIO DO MÉTODO BUBELA.

  

DESTE XEITO, A CADA LETRA QUE IMOS TRABALLANDO DE FORMA COLECTIVA NA AULA LLE CORRESPONDE UN SOBRE CUNHAS TARXETAS DE PALABRAS E IMAXES QUE AS XIRAFIÑAS DEBEN IR EMPARELLANDO.

E NON O FAN NADA MAL...

QUE VOS PARECE?

FESTIVAL DE NADAL

XA HAI MOITOS DÍAS QUE SE CELEBROU O FESTIVAL DE NADAL, PERO NON QUERIAMOS DEIXAR DE COMPARTIR CON TODOS VÓS OS VÍDEOS DAS ACTUACIÓNS DO ENSAIO XERAL DO DÍA ANTERIOR. PREMEDE NA IMAXE, QUE VOS LEVA A UNHA LIGAZÓN Á PÁXINA WEB DO COLE.

AVISO IMPORTANTE

QUEN QUEIRA O VÍDEO DA ACTUACIÓN DO DÍA DO FESTIVAL, TRAEDE UN USB Á REUNIÓN DO VINDEIRO MÉRCORES 14 DE XANEIRO. NATALIA, A MAMÁ DE MARIO, GRABOUNO TODO E ASÍ NON TEMOS QUE ESPERAR A XUÑO PARA VELA!!!!

O LIBRO VIAXEIRO VISITA A CASA DE RAÚL

MMMMMMMMMM!

RICO, RICO!! DELICIOUS!!

ESTA TORTA QUE VEDES NA FOTOGRAFÍA É A TORTA QUE HOXE QUIXERON COMPARTIR CON NÓS RAÚL E A SÚA FAMILIA DENTRO DA ACTIVIDADE DO LIBRO VIAXEIRO. É UNHA TORTA TROPICAL DE PIÑA E COCO QUE COCIÑARON RAÚL, SOFÍA E O SEU PAPÁ RAÚL.

QUE ILUSIÓN FAI COMPARTIR COS COMPAÑEIROS E COAS PROFES ALGO TRAÍDO DA CASA, E EXPLICAR PASO A PASO CÓMO SE FIXO, BROMAS CON PAPÁ INCLUÍDAS E INCLUSIVE CON TRUCOS DE REPOSTEIROS QUE NON IMOS DESVELAR.

E É QUE COMO SEMPRE DICIMOS, CANDO AS COUSAS SE FAN CON CARIÑO E ADEMAIS OFRECE O COCIÑADO ALGUÉN A QUEN QUEREMOS, SABEN MOITO MELLOR!!!

 

MOITAS GRAZAS, RAÚL E FAMILIA, POR AXUDAR A ELABORAR ESTE PEQUENO LIBRO DE RECEITAS E POR TRAER A PROBA AO COLE!!

COMO FUNCIONAN AS COUSAS

SENTÍMOLO!!!

HOXE NON NOS PODEMOS RESISTIR E NECESITAMOS COMPARTIR CON VÓS O COMEZO DA UNIDADE 4 "COMO FUNCIONAN AS COUSAS?" PARA QUE VEXADES O QUE ESTAMOS A ARGALLAR AS XIRAFIÑAS.

PERO ISTO É SÓ UN ADIANTO, TEREDES QUE ESPERAR ATA FINAL DE MES PARA VELA ACABADA.  PERO VEDE COMO ESTAMOS A TRABALLAR CONCENTRADOS, EMOCIONADOS E CURIOSOS NESTA NOVA AVENTURA.

QUEREMOS RECORDAR ÁS XIRAFIÑAS QUE TEÑAN OPORTUNIDADE DE LER ESTA ENTRADA DO BLOGUE HOXE QUE LLES COMENTEN AOS SEUS FAMILIARES QUE HOXE LEVABAN "DEBERES" PARA A CASA. ESES DEBERES CONSISTÍAN EN ESCOLLER UN INVENTO OU DESCUBRIMENTO DOS QUE LEVAMOS FALADO ESTES DÍAS, E TRAER PENSADA PARA MAÑÁ A RESPOSTA Á PREGUNTA QUE DÁ TÍTULO Á UNIDADE DIDÁCTICA.

ATA MAÑÁ, XIRAFIÑAS!! 

A VER QUÉ ME CONTADES...

FÁTIMA CUMPRE 6 ANOS

 

QUE MELLOR MANEIRA DE RECIBIR  O ANO 2015 QUE CELEBRANDO OS ANIVERSARIOS DAS XIRAFIÑAS, QUE EMPEZAN A CUMPRIR 6 ANOS!!!

PARECE QUE FOI ONTE CANDO CHEGARON AO COLE A ESTA NOSA AULA, COMO PASA O TEMPO! MIRADE ESTA FOTOGRAFÍA, É DO PRIMEIRO TRIMESTRE DO CURSO DE 3 ANOS E DA CELEBRACIÓN DOS 6 ANOS:

PRIMEIRO CANTAMOS O "CUMPLEAÑOS FELIZ":

DESPOIS FÁTIMA SOPROU AS CANDEAS E PEDIU UN DESEXO:

E QUIXO AGASALLAR AOS SEUS COMPAÑEIROS E Á PROFE CUN LAPIS DE RECORDO QUE REPARTIU ENTRE ELES CANDO XA MARCHABAMOS PARA A CASIÑA. MOITAS GRAZAS, FÁTIMA! UN RECORDO PRECIOSO!

E PARA DESPEDIRNOS, SACAMOS UNHA FOTO TODOS XUNTOS, NA QUE FÁTIMA NOS ENSINA COS DEDOS QUE CUMPRE 6 ANOS!! 

PARABÉNS, FÁTIMA!

E QUE CUMPRAS MOITOS MÁIS!